Persoanlike kompjûter

Diagram fan in typyske stasjonêre PK.
1. Skerm
2. Memmeboerd
3. Sintrale ferwurkingsienheid (CPU)
4. Wurkûnthâld (RAM)
5. Taheakke kaart
6. Enerzjyfoarsjenning (kompjûter)
7. Kompaktskiifstasjon, dvd-stasjon
8. Fêste skiif
9. Mûs (kompjûter)
10. Toetseboerd

In persoanlike kompjûter, ôfkoarte as pk, is in begryp foar in kompjûter yn it generaal, foar it yndividueel útfieren fan in ferskaat saken, lykas administraasje, tekstbewurking, ynternetferbining, programmearjen, kompjûterspultsjes, en oare saken. Jin kinne in kompjûter foar it wurk, ûnderrjocht en hobby brûke.

Der binne ferskate kompjûter typen:

• Stasjonêre pk's kinne jin skifte yn:
  • Kantoar-pk's (Ingels desktop PCs)
  • Wurkstasjons (Ingels workstations)
  • Memmekompjûter (Ingels server)
• Draachbere pk's (Ingels laptop PCs, notebooks, wearable computers)
• Bûs-pk's (Ingels personal digital assistants eller PDAs)

Skiednis

Der binne mei de tiid ferskate PK-soarten kaam. De basis foar de hjoeddeistige PK, komt fan in ûntwikkeling fan de sântiger jierren ôf.

• De earste kompjûter, dy't foar wurk en privee brûkt waard, wie de Xerox Alto fan it bedriuw Xerox PARC en waard produsearre yn 1973.

• It earste yndustriële type PK wie de Apple II fan it bedriuw Apple. Dizze PK waard op 5 juny 1977 yn de Feriene Steaten yntrodusearre. Dizze kompjûter hie de eigenskip dat der taheakke kaarten yn koene, foar tekstbewurking, spultsjes ensafuorthinne. It wie in kompjûter dy't feroare wurde koe ta de winsk fan de kunde. It wie de earste kompjûter mei kleuren en lûd.

• Yn likernôch deselde tiid 1977, wie de earste persoanlike kompjûter, de Commodore PET 2001 en de Tandy TRS 80 Model 1, yntrodusearre. Wat prestaasjes oanbelanget kaam dizze kompjûter aardich oerien mei de Apple II. Mar hie lykwols gjin mooglikheid foar taheakke kaarten, gjin kleurwerjefte en gjin lûd.

• Nei it súkses fan de Apple II yn de lette sântiger jieren begûn ek IBM mei it ûntwikkeljen fan in eigen persoanlike kompjûter. Dizze hie in 8-bit ISA bussysteem, mei kleuren en lûd. IBM hie syn earste PK fan in Intel-8088-Prosessor foarsjoen. Dizze PK waard levere mei it bestjoeringsysteem fan IBM, PC-DOS, dy't doe troch microsoft foar IBM PK's ûntwikkele wie.

Hjoeddeistige Persoanlike Kompjûter

Apple Macintoshes lykas de iMac Core Duo binne PK's fan hjoed de dei.

Njonken de taken tekstferwurkjen en tabellekalkulaasje wurdt it multymedia mêd hyltyd wichtiger. Hjoed wurde meastal bestjoeringssystemen fan merklieder Windows fan Microsoft meilevere. Der bestean alternative bestjoeringssystemen lykas Linuks.

Mei USB of sels triedleaze ferbinings lykas WAP, Wi-Fi of Bluetooth kin de kompjûter tsjintwurdich ek mei fotokamera's, mobile tillefoans ensafuorthinne kommunisearje.

Literatuer

• John Markoff: What the dormouse said. How the 60s Counterculture Shaped the Personal Computer Industry, New York, Viking 2005 ISBN 0-670-03382-0

Sjoch ek

• Kompjûter
• Wapedia